1 ساڵ لەمەوبەر لە لایەن ئەدمین

یەكێتیی جیهانیی زانایانی مسوڵمان: شەهید بوونی سەركردە"ئیسماعیل هەنیە" تاوانێكی نوێی زایۆنییە و جەخت لە دڕندەیی داگیركار دەكاتەوه و پێویستی بە وەڵامی توندی نێودەوڵەتییە.

یەكێتیی جیهانیی زانایانی مسوڵمان: شەهید بوونی سەركردە "ئیسماعیل هەنیە" تاوانێكی نوێی زایۆنییە و جەخت لە دڕندەیی داگیركار دەكاتەوه و پێویستی بە وەڵامی توندی نێودەوڵەتییە.

[وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ] (آل عمران: 169).

بە دڵێكی ڕازی بە قەزا و قەدەری خوا و پڕ لە خەم و پەژارە بۆ حاڵی گەلەكەمان، هەروەها بە تووڕەییەكی زۆرەوە كە لە سینەماندا بەرامبەر بە تاوانبارانی زایۆنی تاو دەدات.

هەواڵی دڵتەزێنی شەهید بوونی سەركردەی موجاهید و تێكۆشەر (ئیسماعیل هەنیە)  و پاسەوانە تایبەتەكەی دەگوازینەوە بۆ گەلی ئیسلامی و عەرەبی و شەرەفمەندانی سەرتاسەری جیهان. كە دەوڵەتی داگیركاری زایۆنیی تاوانبار لە ئۆپەڕاسیۆنێكی ستەمكاری ترسنۆكانەدا ئەنجامی دا.

دەستی زۆرداری و خیانەت درێژ بوو هەتا هێما و نیشانەیەكی بەرخۆدان و خۆڕاگری لەناو ببات، ئەو پیاوەی هەموو ژیانی خۆی و خانەوادەكەی كردە فیدای پشتیوانی كردن لە مافە ڕەواكانی گەل و نیشتمانەكەی. ئەو پیاوەی چۆكی بۆ ستەم دانەدا و نەبەزێنرا. شەهید ئیسماعیل هەنیە نمونەی سەركردایەتی بوێرانە و دانایانە بوو، دەنگێك بوو بۆ حەق و ڕاستی لە ڕووبەڕوو بوونەوەی ناڕەواییدا، ناونیشانێك بوو بۆ خۆڕاگری و ئاڵنگاری.

لەم ساتە دژوارانەدا، یەكێتیی زانایان ئیدانەی توند و سەرەكۆنەی قووڵی ئەم ئۆپەراسیۆنە ترسنۆكە دەكات كە بە تاوانێكی پیس و پێشێل كردنێكی بێ پەردەی تەواوی ڕێككەوتنامە نێودەوڵەتی و عورفە مرۆییەكان دادەنرێت. ئەم دوژمنكارییە ڕووی ڕاستەقینەی دەوڵەتی داگریكار و سیاسەتیی تاوانبارانەی ڕوون دەكاتەوە كە هەردەم سەركردە و سەردارانی گەلان بە ئامانج دەگرێت.

داوا لە سەركردەكانی دەوڵەتە عەرەبییەكان دەكەین دەستبەجێ بجووڵێن و كاری جددی بكەن بۆ ئاگادار كردنەوەی ئەم دوژمنە كینە لە دڵە بە وەڵامی سەربازی و هەموو جۆرە پەیوەندییەك و بازرگانییەكی لەگەڵ بپچڕێنن. هەروەها تاوانباران بدەنە دەستی دادگا نێودەوڵەتییەكان و سزای دەوڵەتی داگیركار بدەن لەسەر ئەم تاوانە ترسنۆكانەی كە دەرهەق بە سەركردە و گەلی فەلەسطین ئەنجامیان دەدات.

یەكێتیی هەڵوێستی عەرەبی و ئیسلامی، پاشان مرۆیی و یەكخستنی هەوڵەكان زۆر گرنگ و پێویستن لەپێناو ڕووبەڕوو بوونەوەی ئەم ئاڵەنگارییە مەترسیدارانە و دەستەبەر كردنی دادپەروەری و تۆڵە سەندنەوە لە سنوور بەزێنان.

داوا لە تەواوی سەركردەكانی جیهان دەكەین، ئیدانەی ئەم تاوانە پیسە بكەن و دەوڵەتی داگیركار بە دەوڵەتێكی تیرۆرست لەقەڵەم بدەن. ئەم ڕەفتارە ترسنۆكانە، وێنەدانەوەی دڕندەیی دەوڵەتی داگیركار و پێشێل كردنی بەردەوامی مافەكانی مرۆڤ و یاسا نێودەوڵەتییەكانە. پێویستە كۆمەڵگای نێودەوڵەتی دەستبەجێ بجووڵێت بۆ وەستاندنی ئەم تاوانانە و دادگایی كردنی تاوانباران لەبەردەم دادگای نێودەوڵەتیدا.

ئەم كردە زۆردارانە، زۆر بە ڕوونی بەڵگەیە لەسەر ئەوەی دەوڵەتی داگیركار ئاشتیی ناوێت، بەڵكو هەوڵ دەدات لەسەر جەنگ و ستەم و برسی كردنی گەلی فەلەسطین بژی و ئەم جەنگەی ئێستا فراوان و درێژە پێ بدات. سیاسەتی زۆرداری و دوژمنكاری كە دەوڵەتی داگیركار جێبەجێیان دەكات، ئامانجی شێواندنی سەقامگیری و سەپاندنی خۆیەتی لەڕێی هێزەوە.

پەیامێكی ڕوونیش ئاڕاستەی دەوڵەتی داگیركاری ستەمكار دەكەین: تاوانە پیسەكانتان و ئەنجامدانی ئۆپەڕاسیۆنی زۆردارانە لەدژی هێما و نیشانەكانی گەلی فەلەسطینیی خۆڕاگر و بەرگیریكارانیان، گەلی فەلەسطینی خۆڕاگتر و پێداگرتر و تۆڵەستێنتر دەكات بۆ خوێنی سەركردەكانی و ئەو شەهیدانەی لەڕێی خوا و پشتیوانی كردن لە خاك و خانەوادەكانیان گیانیان سپارد.

خوای گەورە سەركردەی شەهید ئیسماعیل هەنیە بەر بەزەیی خۆی بخات و لە بەهەشتی بەرین لەگەڵ پێغەمبەران و ڕاستگۆیان و شەهیدان و چاكەخوازان نیشتەجێی بكات، كە ئەوانەش باشترین هاوەڵن.

 

إنا لله وإنا إلیه راجعون

دەوحە 25 محرم 1446 ك

بەرامبەر 31 یۆلیۆ  2024 ز

 

پ.د. عەلی محێدین قەرەداغی

سەرۆكی یەكێتیی جیهانی زانایانی مسوڵمان

 

د. علی محمد الصلابي

ئەمیداری گشتی

 

 

سەرنجەکان